Өлең, жыр, ақындар

Табаным талай шоқ басып

  • 02.09.2020
  • 0
  • 0
  • 1402
Табаным талай шоқ басып,
Қып-қызыл отқа күйді ерін.
Тарпаң ем, тағдыр ноқтасын
Салғызбай басқа сүйредім.
Салғызбай қайда барайын,
Артық деп пе едің мен кімнен?
Кең еді дүние сарайым
Қор болмасыма сендім мен.
Ноқтаға басым маталып
Ноқта-аға болдым амалсыз.
Ұшатын күндер от алып,
Ұшты да кетті хабарсыз.
Періште боп та, пенде боп,
Амалсыз талай алмастым.
Арамдық деген менде жоқ,
Екі аяғымды тең бастым.
Екі аяғымды тең басып
Келемін жердің бетінде.
Тағдырдың күллі таңбасын
Тәнтімін көріп өтуге.
Табаным тиген шоқтарға,
Күйдірген ерін оттарға,
Еркіндігіңде жақсы өмір,
Тағат та керек, тоқтам да!
Ырзамын тағдыр бәріне
Жүрек пен махаббат барда!



Пікірлер (0)

Пікір қалдырыңыз

Майысып алтыбақан тепкен апам

  • 0
  • 0

Майысып алтыбақан тепкен апам,
Дауысы алты қырға жеткен апам.
Толысып қызыл күрең тобылғыдай,
Жат жұртқа жаратылып кеткен апам.

Толық

Кейде түн ішінде, кейде таң алдында

  • 0
  • 0

Кейде түн ішінде, кейде таң алдында
Күбірлеймін ақталып ар алдында.
Заманыма көп екен бермегенім,
Бермегені бар маған заманның да.

Толық

Ақ көйлек

  • 0
  • 0

Қаладан маған әкелген көкем ақ көйлек,
Жұп-жұқа сәтен, өзіме ғана шақ көйлек.
Ойлайтын едім, дәл мұндай мата жоқ қой деп,
Киер ем күнде...

Толық

Қарап көріңіз