Өлең, жыр, ақындар

Махаббат жайлы

  • 01.10.2020
  • 0
  • 0
  • 1573
Адам адам болғалы,
бұл өмірде өлшем көп,
Өмір сүру – арманы,
ойлаған жоқ өлсем деп.

Алғашқы ақын бір қызды
сүйген шығар, білмеймін.
Бұл тақырып өлеңге,
қосылғанын қашан кеп.

Шарласа да дүниені,
қиялдағы ой-арман.
Махаббатқа жаңалық
қосайыншы дей алман,

Ғашықтардың сезімі
арқау болып өлеңге,
Тыныш жатқан жүрек сол,
қай уақытта оянған?

Сол алғашқы ақынның
ғашық жайлы жырынан,
Талай жүрек жібіген
шығар-ау деп ұғынам.

Қай уақытта туды екен,
сезімдерді оятып,
Сүйгеніне арналып
айтылатын шырын ән?

Қоштамасын біреулер, мейлі,
біреу қоштасын.
Жүректерге заманның
қосып алдық қоспасын.

Махаббаттың қадірін тереңірек
білер ме ек,
Сол алғашқы өлеңнің
тапсақ, шіркін, нұсқасын!



Пікірлер (0)

Пікір қалдырыңыз

Жұбату

  • 0
  • 0

Сонау иман, ұя та бар заманда,
Өз еліңде қымбат еді бағаң да.
Өмір сүру – қызық еді саған да,
Өмір сүру – қызық еді маған да.

Толық

Уақыт

  • 0
  • 0

Талай уақыт, заман кетті өтпелі,
Біз білмейтін құпиялар көп тегі.
Бір-бірінен айнымайтын батырлар
Шығып жатыр жұлдыздардай көктегі.

Толық

Кешіктің неге?

  • 0
  • 0

Қайда кеттің,
қайда кеттің сен ұзақ,
Маған, мүлде, жатқандардың бәрі жат.
Келсейші тез,

Толық

Қарап көріңіз