Өлең, жыр, ақындар

Бойдақсыну

  • 02.11.2020
  • 0
  • 0
  • 589
Осы нені жатады тойлап күнде ел?
Дегенімен, жақсы ғой ойнап-күлген!
Қырық емес, қырық мың қадам аттап,
Қол ұстасып кетсем бе бойдақ күнмен?

Дүлділімін шапқанда бәйгенің мен,
Бұлбұл үнім шырқаса ай керілген.
Мұрт демесең, реңім бар әжептеуір,
Біржан салдан айтшы осы, қай жерім кем?

Байлық та жоқ, жүретін шашып қолдан,
Айлық та жоқ артылып, тасып толған.
Ғашық болсам отызда айып па екен,
Тоқсанында Жамбыл да ғашық болған?!

Жасырғанмен бола ма, о, тәйірі,
Сүрінбеспін, сезімнің жоқ айылы.
Махаббаттан көше алмай парасатқа,
Бойдақсынған жүректің сол айыбы.

Осы нені жатады тойлап күнде ел?
Дегенімен, жақсы ғой ойнап-күлген!
Бәйбішеден жасырын кеше, досым,
Осындай бір болмайтын ой бақтым мен.



Пікірлер (0)

Пікір қалдырыңыз

Ақын Ә. Аймақтың соңғы жаза алмай кеткен жыры

  • 0
  • 0

Өлемiз-ау, бәрiмiз өлемiз-ау,
Көмемiз-ау, бiразын көмемiз-ау.
Ағыл-тегiл көз жасын төгемiз-ау,
Алла әмiрi деп сосын көнемiз-ау.

Толық

Шыдатпастай құба қайғым

  • 0
  • 0

Шыдатпастай құба қайғым,
Жалғыз келдiм, жұбат, айдын.
Оралмады аққуым сол,
Ләйлiсiндей Жұматайдың.

Толық

ЖАН-ым

  • 0
  • 0

Жанас жүре көп сенімен,
Жансырадым еңселі Мен.
Жан-жүйеңді зерттеп көрдім,
Жанымның сен бөлшегі ме-ең?

Толық

Қарап көріңіз