Өлең, жыр, ақындар

Түз бұлағы

  • 11.12.2020
  • 0
  • 0
  • 716
Сен мұңлысың басыңнан ел кеткенге,
Мен мұңлымын жырымды кемдеткенге.
Өжет ұлға тағдырдың тосқауылы –
Қайда жүрсем мен душар сеңді өткелге.
Саумалыңды төгуші ең бүлкіл қағып,
Сілкінуші ед көгінде, шіркін, халық!
Құдашадай көк орай – сар кемпір боп,
Жатыр енді көз жасын іркіп алып.
Табиғаттың сырына ашына мен –
Кексе тартып оралдым басыңа мен.
Шікәмданғыш серідей мінезім жат,
Той болмаса, қызықпан асыңа мен.
Өзім құрлы – дәуреннің төлі қайда?
Көп құрбыңның думанды көлі қайда?
Күн ұзаққа күйімді күмпілдетіп,
Ақ жем болған саусақтың сөлі қайда?!
Сен мұңлысың басыңнан ел кеткенге,
Ән орнына баурайың желдеткенге;
Ескерткішке сыбызғы алдым ойып,
Әнші қамыс, көңілімді тебіренткенге!



Пікірлер (0)

Пікір қалдырыңыз

Сүйгенге базына мен бағыныш тең

  • 0
  • 0

Сүйгенге базына мен бағыныш тең,
Оралдым астанама сағынышпен.
Жастықтың осында өткен күнін жоқтап,
Сағыныш қайнарынан қанып ішкем.

Толық

Бір сұлуға

  • 0
  • 0

Сұлу қылып жаратты сені тәңірім,
Сондықтан да балайды теңіне әркім.
Байқай ма жұрт, білмеймін, байқамай ма,
Мен байқасам, тұлғаңда бір-ақ бар мін.

Толық

Ақ бұлақ

  • 0
  • 0

Сәбиімде жыр шерттің, ақ бұлағым,
Жағаңда мен шыбықпен шапқыладым.
Кептер атқан баладай еркелікпен,
Малта таспен көзіңді атқыладым.

Толық

Қарап көріңіз