Өлең, жыр, ақындар

Маған неге мына қыз амандаспады?

  • 15.04.2021
  • 0
  • 0
  • 623
Маған неге мына қыз амандаспады?
Тазармаған жан ба едім санам қаспағы.
Қиямпұрыс ойларға қайдағы бір
Көңілімнің тап-таза таланды аспаны.
Жексұрын боп шықтым ба жер бетіндегі,
Уыз күлкі жоғалды келбетімдегі.
Қасқалдақ та қонбайтын, үйрегі де,
Ұқсап қалдым мұз қатқан көлге түндегі.
Қоштаспай кетті кетерде жөніне тағы,
Қонған-ау, сірә, арманшыл төріне бағы.
Шөгіп те қалдым әлде бір жымысқы ойдан,
Ұқсастау ғана ақын ем серіге жаны.
Сәліміңді қимасаң айла-амал бар ма?
Міндет етіп тартайын қай бағамды алға.
Шетте қалып кеттім мен келесаулардай
Немді айтармын мен жайлы ойлағандарға.
Маған неге мына қыз амандаспады?
Тыным бермей жүр ме, әлде, балаң жас қаны.
Шылым сасып қалым-ау,
Секілденіп,
Күйіп кеткен тамақтың жаман қаспағы...



Пікірлер (0)

Пікір қалдырыңыз

Жан жаңбыры

  • 0
  • 0

Бозторғайды оятқан жан жаңбырың,
Түркілеген ұйқыңды таңнан бұрын,
Көңіліңде бүр атып арман гүлің,
Өзек еттің өзіңе жалған жырын.

Толық

Табыстым құран оқып ұлы күнмен

  • 0
  • 0

Табыстым құран оқып ұлы күнмен,
Өзімнің болмысыммен, тұнығыммен.
Мұхаммед – пайғамбарым, Құраным - шын,
Құдайдың, әлхамдулла, құлымын мен!

Толық

Тұңғышбай

  • 0
  • 0

Бұл ғұмырда не көрмеген Тұңғышбай,
Мәңгілікке көнермеген Тұңғышбай.
Арыстанға арыстанша ақырып,
Өсіп өнген өнерменен Тұңғышбай.

Толық