Әбілда Аймақ

Жынды қылған бұл өлең

Бұл бетте «Жынды қылған бұл өлең» атты Әбілда Аймақ жазған поэзия туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

15.04.2021
0
0
747

Жынды қылған бұл өлең
Төгіліп кетсе қайтеді.
Кеуде тұсым қақырап
Сөгіліп кетсе қайтеді.
Толып қалған ішім де
Жарылып кетсе қайтеді,
Сөздеріме айналам
Табынып кетсе қайтеді?
Түк қалдырмай жүректің
Қырындысын қаспағын.
Датымды айтып Аллаға,
Жеткізіп жатса қасқа мұң.
Қазынасын кеуілдің
Қаза алмай-ақ қор болдым.
Тілімдегі сөзімді
Жаза алмай-ақ қор болдым.
Кім қызығар түріме
Осы менің тұрысым.
Жаза алмасаң дертіңді
Көрген күнің құрысын!
Тентек еткен бұл өлең
Төгіліп кетсе қайтеді,
Кеуде тұсым қақырап
Сөгіліп кетсе қайтеді?

Әбілда Аймақ жынды қылған бұл өлең Әбілда Аймақ өлеңдері

Пікірлер (0)

Пікір қалдырыңыз

Жиі қойылатын сұрақтар