Өлең, жыр, ақындар

Бір ғана сәт

  • 03.01.2021
  • 0
  • 0
  • 872
1
Асықтырып күміс қанат құс мені,
Айтылар сөз аузыма да түспеді.
Бір ғажайып билеп еді күш мені,
Япыр-ау сол, өңім емей түс пе еді!
Япыр-ау сол, өңім емей түс пе едің?
О, уақыт осы-ay сенің үстемің.
Жөнеліпті-ау бұрылтып бір қаратпай
Әміршім боп сонау болат құс менің.
Сонан бері жыр сенделіп жүр лағып,
Үміт отын бір сөндіріп, бір жағып.
Кілті екен-ау бір тағдырдың бір-ақ сәт
Кірпігіңді алғанындай бір қағып.

2
Үлгермесең жетер жерге, азардан,
Құтылмайсың арылғанша ажардан.
Қадірін айт ұшып кеткен бір сәттің
Айырып дәл қалған сынды ажалдан.
Бір-ақ сәт-ау көңіл көкке өсері,
Бір-ақ сәт-ау типыл болып өшері.
Күллі өмірге бар бақытты, достарым,
Болады екен бір-ақ сәттің шешері.
Тағы осы сәт отты үрлеп жанбаған,
Өрт қылады, мерт қылады, нан маған!
Кейде тірлік тірегі де бір-ақ сәт,
О, уақыт, құзырыңа таңданам!



Пікірлер (0)

Пікір қалдырыңыз

Сенбей тұрам

  • 0
  • 0

Сенбей тұрам,
Ешкімге де сенбеймін.
Скептик деп кінәләсаң сен, мейлің.
Кіршігі жоқ сәби көңіл менде де

Толық

Несі айып

  • 0
  • 0

Аға дедім, алдыңнан
Өтуді кесіп лайық
Көрмедім де, жол бермедім
Сол үшін тактың ірі айып.

Толық

Сильваға

  • 0
  • 0

«Сыйлашы» деп қайта-қайта қылқылдап,
Бір «сараңнан» сұрап алған бұл кітап
Арараттан аққан мөлдір көз екен
Сусындатар шипа судай бұрқылдап.

Толық

Қарап көріңіз