Әділбек Ыбырайымұлы

Бұл жалған тегі шытырман

Бұл бетте «Бұл жалған тегі шытырман» атты Әділбек Ыбырайымұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.02.2021
0
0
613

Бұл жалған тегі шытырман,
Таба алмай келем арнасын.
Санасын елдің жұт ұрған,
Белгілі ұзақ бармасым.
Тартармыз талай татасын,
Әлдекім шығып «қоқияр».
Шегерміз зауал, жапасын,
Жақын ба күнім тотияр?
Күдігім басым бөктерген,
Сапарға шықтым дегенмен.
Ақсақал айтты көп көрген:
«Ажырап қалма өлеңнен ...»
Үмітім артты теңлеген,
Сол бір сөз мүмкін, жел берген.
Музаға сосын келген ем,
Сын да естіп қалам елдерден.
Кілкиді күдік, тегін бе?
Алдымда көлбеп түз сан-сан.
Қаламдай қысқа өмірде,
Сиядай ұзақ із салсам.

Әділбек Ыбырайымұлы бұл жалған тегі шытырман Әділбек Ыбырайымұлы өлеңдері

Пікірлер (0)

Пікір қалдырыңыз

Жиі қойылатын сұрақтар