Өлең, жыр, ақындар

Ғашық жүрек созады саусақтарын

  • 13.02.2021
  • 0
  • 1
  • 640
«Ғашық жүрек созады саусақтарын»,
Білді ме екен арамыз алшақтарын?
Бірақ, бірақ махаббат – мәңгі жастық,
Ұмытпассың өмірдің бал шақтарын.
Көңіл жүйрік, сенімен тілдеседі,
Елес бәрі бір жүрген күн кешегі.
Көрмесе егер өзіңді жадау жүрек,
Махаббаттың не екенін білмес еді.
Сағынамын көзіңнің қарашығын,
Жасыра алмай жәутеңдер сара шынын.
Кеудемдегі жанымның бөлшегісің,
Өзің ғана, еркем-ау, бар асылым.
Сезімімді шашпағай, бағалағын,
Сен – айна көл, мен – ұшқан шағаламын.
Тартылмасын Аралдай махаббатың,
Ол суалса – мен ғайып, жоғаламын.



Пікірлер (1)

Пікір қалдырыңыз

Қос бірдей қарлығашым шыр-шырлаған

  • 0
  • 0

Қос бірдей қарлығашым шыр-шырлаған,
Өңгенің керегі жоқ, құрсын, маған.
Мәукіл бас біреуі бар кекіл қойған,
Ұғындым, бұл өмірде ырысым – балам.

Толық

Қара суық

  • 0
  • 1

Қара суық,
Долы жел шамданады,
Жеп. Жұлынып,
Лағады маң даланы.

Толық

Шырайлы шырағым-ай

  • 0
  • 0

Шырайлы шырағым-ай,
Өмірдің мәні неде?
Біздерді сірә, құдай,
Келтірді мәмілеге.

Толық

Қарап көріңіз