Немерелерiме

Немерелерiм Iңкәр мен Нұриланың мектепке баратын күнi жазылған өлең

Құлдыраңдаған
Құлыншақтарым-ай!
Желмен желбiреген
Тұлымшақтарым-ай!
Омырауымнан төгiлген
Бұлақтарым-ау,
Жанымнан өсiп шыққан
Құрақтарым-ау.
Iшiмде жанып тұрған
Шырақтарым-ау.
Әлiппелер мен
Әрiптерiңдi арқалап
Кетiп барасыңдар!
Құлыншақтарым-ау, –
Күнi ертең-ақ! –
Биiк-биiк белеске
Жетiп барасыңдар...
Тоңы қалыңдау
Жерiңдi жiбiтiп –
Гүлiм боп өсiңдер!
Жолы ауырлау
Елiңдi ерiтiп
Тiлiм боп өсiңдер.
Әумин!

---