Өлең, жыр, ақындар

Қайтейiн, қолымнан келмейдi

  • 20.06.2022
  • 0
  • 0
  • 707
Қазағымның
Жүретiн жолының бәрiне
Айдың сәулесiн төсеп
Жарық етiп қояр ем;
Олардың бәрiн
Алысқандарын алып ұратын –
Бәйтеректей! –
Алып етiп қояр ем.
Қайтейiн, қолымнан келмейдi.
Бiр-бiр ақша бұлтты
Аспаннан аударып алып –
Әрқайсысының басына! –
Жастар ем;
Қотан-қотан
Қойларының үстiне
Бозторғай жұмыртқалатып
Тастар ем.
Қайтейiн, қолымнан келмейдi.
Әрбiрiне
Бозкөде жеген
Боз бие әкелiп
Сояр ем;
Шөмiштерiн
Сорпаға малтықтырып,
Қасықтарын
Балға батпақтатып
Қояр ем.
Қайтейiн, қолымнан келмейдi.
Көңiлiмнiң суын –
Жұрттың мейiрiн қандыратын! –
Көл етер ем;
Төменiн –
Ханның баласы
Именiп зорға шығатын
Төр етер ем,
Қайтейiн, қолымнан келмейдi.
Көкiрегiн керген
Алпауыттардың алдында –
Талтайтып! –
Тұрғызып қояр ем;
Табалдырығы күмiс,
Босағасы алтын
Сарайлардың iшiне –
Шалқайтып! –
Кiргiзiп қояр ем.
Қайтейiн, қолымнан келмейдi.



Пікірлер (0)

Пікір қалдырыңыз

Сені сағынғанда

  • 0
  • 0

Жүрмiн қазiр сенсiз мен азар мұнда!
Қызығым жоқ бұл өмiр-базардың да.
Жыласам да,
күлсем де,

Толық

Тасып кетер арнадан

  • 0
  • 0

Тасып кетер арнадан,
көктем, саған таң қалам.
Махаббатқа қанбаған,
көктем, саған таң қалам,

Толық

Мені іздеу

  • 0
  • 0

Ондаған жылдар өтіп
Мені іздеген біреулер
Таба алмады.
Таба алмастан

Толық

Қарап көріңіз