Өлең, жыр, ақындар

Ай

  • 13.02.2021
  • 0
  • 1
  • 641
Мақпал түннің қойынында толған Ай,
Барар едім...
Тапсам екен жол қалай?
Мен сияқты көп ғашықтың бірі ме?
Таяп барып, ақты жұлдыз сорғалай.
Байыздатпай ежелгі ынтық көңілді,
Ұялды ма Ай, шәрбі бұлтқа көмілді.
Жерде тұрмын ...
Сүйген жүрек – есуас,
Сәуле шашып, жұлдыз біткен емінді.
Кепкен кезі құмарлықтан аңқаның,
Өткерді ме Ай-ару да бал таңын?
Кірпігінде бар сияқты мұң-нала,
Әлдекімнің жеткені ме?..
Қорқамын ...
Күйреді ме тым кездейсоқ арманы?
Опынғаннан шайналды ма бармағы?
Ай жүзінен көзімді алмай телмірдім,
Ой, сұмдық-ай, ноқта тектес бар дағы.
... Толған Айдың мақпал түнде түрі әсем,
Сүдініне ұқсайсың-ау, сірә, сен ...



Пікірлер (1)

Пікір қалдырыңыз

Көктем шықпай қойды мүлдем

  • 0
  • 1

Көктем шықпай қойды мүлдем,
Сарсылдым,
Мына әлемді
Тақиядай тарсындым.

Толық

Сен бе едің мені айырып тастар ырқымнан

  • 0
  • 1

Сен бе едің мені айырып тастар ырқымнан,
Ғашық боп қалдым – көрдім де бірден сыртыңнан.
Ішімде дауыл, жарқылдап жатыр нажағай,
Тұнжырап жүрмін, білмессің әсте шырқымнан.

Толық

Әке

  • 0
  • 0

Бұлаң тірлік көрсетті сортаңдығын,
Қалғаны анық ойсырап,ортам бүгін.
Қырын келген сен бе әлде жаратқан ба?
Бір-ақ күнде есейді тарпаң ұлың.

Толық

Қарап көріңіз