Қарай берші наздана

Жатырқамай жалт етіп бір қарадың,
Арбап алып кетті ме әлде жанарың.
Жүрегімнің нәзік қылы дір етіп,
Жан сезімнің күйін шертті-ау қарағым.
Сыр ақтарып күлім көздер шырайлы,
Тербеледі көкірегімде жыр айдын.
Құс боп самғап шықсам шырқау биікке,
Қос жанардың тереңіне құлаймын.
Жайраңдайсың келбетіндей жаз дала,
Көңілімде әсем сырнай саз жаңа.
Алаулайды арманымдай ақ сәуле,
Қарай берші, қарай берші наздана.

---