Жайлау таңында

Жайлаудың кең төскейін бөктерлетіп,
Келемін қиялымды көкке өрлетіп,
Арманның әуенімен жарасқандай
Желпиді қоңыр самал шөп тербетіп.
Астымда алқарекер ойнақтаған,
Тау-төбе қарайтындай бойлап маған.
Раушан гүл таң нұрымен таранғанда,
Еркем-ау, өзің бе деп ойлап қалам...
Келемін әуен аулап әр шағылдан,
Көңілді ән баурайды жар сағынған,
Елеңдеп алыс бетке жаутаңдаймын,
Назданып сен шығардай қарсы алдымнан.

---