Өлең, жыр, ақындар

Ойжайлауым

  • 14.02.2021
  • 0
  • 1
  • 730
Ойжайлауым,
Құт мекенім,
Тұнығым,
Сені аңсаумен
Құрттады ғой жұлыным.
Тұмаларың қайнап шыққан, шіркін-ай,
Жырақта жүр сағынумен «шыбының».
Ой-һой, дәурен,
Атқа мінген қыл бұрау,
Біраз уақыт
Серілікті құрдым-ау.
Шерліліктің шілдесінде шыжыдым,
Көрден шыққан аруақтай
Түр мынау.
Сені ойласам –
Қарсы айрылар өзегім,
Ит тірліктің иттігінен беземін.
Қайда кетті балаң достар,
... құрбылар,
Шөлдеп келсең суын берген көженің.
Ойжайлауым –
Той жайлауым!
Қызық,
Құт,
Сәл өкініп,
Өткен күнге қызықтық.
Асау дөнен ұстатпайтын шылбырын,
Уақыт та тарпаң екен
Біз ұқтық.
Еске түссең, жүрек құрғыр шым етіп,
Жібереді көңіліңді жүдетіп.
Сүлеленген сұрықсыздау күй кештім,
Сағынышты көкірекке түнетіп.



Пікірлер (1)

Пікір қалдырыңыз

Мінез

  • 0
  • 0

«Мінез керек, – дейді ме ел, – өлеңге шын»,
Маңдай терім төленсін, төленбесін.
Жыр жазамын. Бір күні жетермін-ау,
Алысқа ұзап кетсе де менен көшің.

Толық

Болашақ дәрігерге

  • 0
  • 0

Дәрігерсің болашақ,
Емшім едің,
Тереңірек кеудеме төнші менің.
Жараланған жүрегім кесепаттан,

Толық

Ғалам мені құрсағында

  • 0
  • 0

Ғалам мені құрсағында
Тербетті,
Бұлттан жасап орап қойды жөргекті.
Қоржынына салды дағы

Толық

Қарап көріңіз