Өлең, жыр, ақындар

Шын бақытты дәл осылай сезер ме ем

  • 16.03.2021
  • 0
  • 0
  • 701
Шын бақытты дәл осылай сезер ме ем,
Мұңмен жолдас бола алмасам, егер мен...
Көзім айтып қоймағанда, сырымды
Сүйемін деп айтарымды сезер ме ең?
Әй, қайдағы, айта алмас ем, қорқамын,
Сүйе тұра көзге үйіріп жорта мұң...
Жасырамын жан сырымды тереңге,
Оңашада сүртем көздің сортаңын.
Сезіне алсаң сүңгір ме едің тереңге,
Несін айтам, сезбегенге, кереңге...
Буырқанып жатса, жатсын, ақ сезім,
Шығара алмай, қайнай-қайнай өлем де!
Сірә, менің сырттан келмес ажалым,
Жұта алмайды, жұтам деген тажалың.
Бар қайнарым жүрегімде, демімде...
Содан болар, алаулайды ажарым.



Пікірлер (0)

Пікір қалдырыңыз

Күш пен бағыт

  • 0
  • 0

«Көтере алар ма екенсің»
деп шіреніп, салмақ тұр.
«Тәлтіректеп құласаң...»
деп сығалап зардап тұр.

Толық

Кім бөтен?

  • 0
  • 0

Әйтеуір, біреуміз бөтенбіз,
Қайсымыз сыр берер екенбіз
Әзірге тастаймыз, бекембіз...
Тоғыспай тұрса жол, не етерміз

Толық

Бөлшектенгім келмейді

  • 0
  • 0

Шуақ болып шашыламын,
қауызымнан ашыламын,
Сіңіремін әр тініме
Тебірентер ғашық әнін.

Толық

Қарап көріңіз