Өлең, жыр, ақындар

Бір уыс топырақ, бір шекім бұлт

  • 06.04.2021
  • 0
  • 0
  • 1037
Бір уыс топырақ,
Бір шекім бүлт енші алып
Кетсем бе екен
Имандылау жер шалып
Иіскетермін ұрпағыма болашақ,
Уа, Тәңірім! Тазасынан берші алып!
Бұйрығы Алла, адам жерді мекендеп
Келе жатқам қожасы өзім екен деп
Анық қожа адам емес "Азу" боп,
Жорғалаймын, баста ноқта "тепең көк".
Ең лас зат "Азу" ізі бү күнде,
У-дың у-ы "Азу" демі бұ күнде.
Елдің жауы, Жердің жауы "Азулар",
Мен қол қойдым сондай қатал "Үкімге"
"Қожа - Мен" деп, "Еге-Мен" деп бөсем кеп,
"Мен туған жер! — деймін — содан есем көп!"
Еге еместер жарып жатыр жатырды,
Дәнін емес топырақтай жесем деп.
Күнді жалдап, Ай сатылып құрымай
Тұрғанында... қамдансам ба бұрын-ай
Тығып қойсам осы бастан емге деп,
Бір шырақтық Күн сәулесін, нұрын Ай.
Бір уыс топырақ,
Бір шөкім бұлт енші алып,
Кетсем бе екен
Имандылау жер шалып
Иіскетсем бе ұрпағыма болашақ,
Уа, Тәңірім! Тазасынан берші алып!



Пікірлер (0)

Пікір қалдырыңыз

Уайым ба?

  • 0
  • 0

Уайым ба тәйірі,
Қара бастың қайғысы
Бағым аз деп мұңаяр,
Қара басып қай кісі.

Толық

Қатыгездер қайдан шықты, ағайын?

  • 0
  • 0

Қатыгездер қайдан шықты, ағайын? —
Толып кетті оңым, солым, маңайым.
Ес жиғанша басып кетті арам шөп,
Тағы тарттық бейғамдықтың сазайын.

Толық

Өмір деген — қателер жиынтығы

  • 0
  • 0

Ұғып өскем табиғат дәрістерін
Сияқты еді бұл өмір жарыс керім —
Дейді бір қарт таңдана заманына,
Оймен шолып тыңдырған әр істерін.

Толық

Қарап көріңіз

Басқа да жазбалар