Өлең, жыр, ақындар

Өлең жазсаң

  • 12.04.2021
  • 0
  • 0
  • 538
Өлең жазсаң айтатының –
Адамдық пен адалдық,
Ар-ұят тым көн болса да,
Бір қозғалып қаларлық.
Күнделікті ісінде оны
Іздесек те шам алып,
Ізі-түзін таптырмайды,
Таптырмайды жоғалып.
Өлең жазсаң айтатының –
Ақыл-кеңес ізгілік.
Ойдан отар өргізесің,
Әр қадамыңды із қылып.
Ісінде оның бірі де жоқ ,
Келе атқалы біз біліп,
Адам үшін жүрегіңнен
Соғады тек ызғырық.
Өлең жазсаң көрінесің
Дарқан дүние – гүл бақтан.
Қасын түгіл достарыңа
Құратының кіл қақпан.
Көне күннің күншілісің –
Жылан жүріс, із баққан.
Ізгі жанның жақсылығы
Жүрегіңді сыздатқан.
* * *
Көйлегіңде кіршік жоқ
Жақсы-ақ екен!
Шалбарын да қыры оқтай,
Шап-шақ екен!
Сыртың әсем
Сүйсінер кісі мақтап...
Шіркін сондай болса ғой ішін аппақ.



Пікірлер (0)

Пікір қалдырыңыз

Махаббат деген адамдық мейір

  • 0
  • 0

Махаббат деген адамдық мейір,
Көңіл қошына беретін пейіл,
Тек тауқыметін түрліше көтеріп,
Біреулер жылап, біреулер кейір.

Толық

Ана жанын тербеген

  • 0
  • 0

Сен аспаған алдындағы ер, белең...
Сол еді ғой ана жанын тербеген.
Түнде оят, күндіз мейлің мазала –
Байғұс ана не күйіңе көнбеген!

Толық

Бабаларым хақында

  • 0
  • 0

Сәулетті сарайларды салмады деп,
Жазылып көне тарих қалмады деп
Кеййміз, бабаларды жазғырамыз,
Кәсіпке малдан өзге бармады деп.

Толық

Қарап көріңіз