Өлең, жыр, ақындар

Әкелер-ай болашақты аңсаған

  • 15.04.2021
  • 1
  • 0
  • 684
Әкелер-ай болашақты аңсаған,
Перзент үшін тіршілікте шаршаған.
Есейгенде кештеу біліп қадірін,
Әкесіне жете алмай жүр қанша адам?!
Әкең барда еріктісің, еркесің,
Бақыт күйін балбыратып шертесің.
Әкең жоқта жылытар деп жанымды
Жамыларсың исі сіңген көрпесін.
Өмір осы, өзің де әке боларсың,
Оңалам деп оңаша оқ жонарсың.
Әкелердің жолын жалғап жүрсең сен
Ел-жұртыңа бақ құсы боп қонарсың.
Сал-сағыныш жүрегіңде ер жетіп,
Ақ жаңбырың дауылдатып, селдетіп,
Әкеңді ойлап отырарсың кей кезде
Бесіктегі перзентіңді тербетіп.
Қанға тартар небір жайсаң, қасқалар,
Ай астында су ағар да, тас қалар.
Әке-бала - адамзаттың өзегі,
Барлық өмір тал бесіктен басталар.



Пікірлер (0)

Пікір қалдырыңыз

Жырылғандай аузымнан бұйырғаным

  • 0
  • 0

Жырылғандай аузымнан бұйырғаным,
Сырғақсиды алдымнан сиынғаным.
Екеу болдық, деп едім «құралармын»,
Жоқшылықтың таттым шын биыл дәмін.

Толық

Өлең жаздым өрелеп

  • 0
  • 0

Өлең жаздым өрелеп,
Өзің желеп-жебе деп,
Түркістаным керемет!
Жыраулар мен хандардың,

Толық

Шырын шумақтар

  • 0
  • 0

Шараптан көрмесе де кісі емделіп,
Іштім бе, іше берем, ішем келіп.
Бірауық масаңдау боп жүрген артық
Қалғанша қайғы-мұңға кісенделіп.

Толық

Қарап көріңіз