Әбілда Аймақ

Мынау әлем бір сәтке көз ілгенде

Бұл бетте «Мынау әлем бір сәтке көз ілгенде» атты Әбілда Аймақ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.04.2021
0
0
781

Мынау әлем бір сәтке көз ілгенде,
Оянды ма шөлдеген сезім менде.
Сабырсыздық санамды билеп алды,
Тынышынан айрылды сезім – көл де.
Сенің үнің ән болып қалықтады,
Күмбірлеген күй болып шарықтады.
Өңім менен түсім де араласып,
Қарсы алады өмірдің талып таңы.
Жел алдады сен болып желеңдеген,
Таңғы тұман арасы, елеңдегем.
Көңіл шіркін есіліп елжірейді,
Сезімімді тербетіп өлеңменен.
Жарқыратқан жарығы айналаны,
Таң сәулесі сен болып аймалады.
Менің жебеп жүретін періштем-ау,
Сенің бейнең төбемде айналады.

Әбілда Аймақ мынау әлем бір сәтке көз ілгенде Әбілда Аймақ өлеңдері

Пікірлер (0)

Пікір қалдырыңыз

Жиі қойылатын сұрақтар