Өлең, жыр, ақындар

Құрдастарға қалжың

  • 02.05.2021
  • 0
  • 0
  • 1433
Айналаны дос тұтып,
Сеніп көріп,
Елірдік те,
Есірдік...
Еліктедік.
Есейдік пе дегенше...
Еркіңді алып,
«Есті» шағың тұр екен төніп келіп...
Қабағына қаратып сан «мықтының»,
Өмір өзі-ақ ұқтырды барлық құнын.
Күйініп-ақ отырып,
Өп-өтірік
Күлуді де үйреніп қалдық бүгін.
Қарқынынан тірліктің қалмай ұштық,
Шарт сынатын жерде де –
Сәл майыстық,
Жақыныңды жаратпай,
Жат біреуге
Жымиғанды шығардық – жандай ыстық.
Арды ақылдың алдына жүгіндіріп,
Әр сөзіңнің айтылмақ құнын біліп.
Жараңды да жасырып тастай қаттық,
Жұрт алдында тістене,
дымың құрып.
Баяғыдай шықпаймыз сынап ерлік,
Бас көтерер тұста да
– Бұға бердік,
Бет-жүзің бар демейтін безер едік,
Жібектей-ақ сызылып шыға келдік.
Тұрып тыңдар біреуді,
жүріп тыңдар,
Сырын да ұқтық, «былық» пен
«шылықтың» бар
«Кісі» болып кеттің де біреулерің,
Кішілікті біржола ұмыттыңдар.
Дәреже бар,
Мансап бар,
Бар бағымыз,
Қателесе алмаймыз сәл ғана біз.
Біріміздің біріміз үйімізге,
Шақырыспай баруға арланамыз.
Жай оғындай жарқылдап өртке енбейміз,
Жаға жырта жауласып, кектенбейміз.
...Өзге түгіл,
Өзіміз түсінбейтін,
Бейтаныс біреу болып кеткендейміз.



Пікірлер (0)

Пікір қалдырыңыз

Өмір мен өлім

  • 0
  • 0

...Жұлдыздай ақты қырда,
жүзді көлде,
бермеді тірлігінде тізгін ерге,
сал да өзі,

Толық

Наурыз Қылышбаевқа

  • 0
  • 0

Сері десем — сенбессің, серке десем — көнбессің,
зәру емес мақтауға, мақтаусыз да өлмессің,
жалын атқан сонау бір жас кезімнен мен үшін
осы өңірде бір туып, біте қайнар жерлессің.

Толық

Қасым аға

  • 0
  • 0

Жүре алмайтын біреуді арқаламай,
Ел деп туған еңіреп мәрт ағам-ай!
Селкілдемей жеттің-ау сексенге де,
Қарын да бар қалпында, қалта да бай.

Толық

Қарап көріңіз