Өлең, жыр, ақындар

Тірлігімнен тук өнбей

  • 02.05.2021
  • 0
  • 0
  • 679
Тірлігімнен тук өнбей,
тілім неге байланды?
Жан-дүнием түгелдей
жаңғырыққа айналды.
Жазбасын де кеселге,
жауға айналып тұр белес.
Қанша таяқ жесем де,
қайтейін-ай, кірмеді ес!
Қарамаппын әліме,
қарайғанды дос деп пе ең,
жұрағаттың бәріне
жүгірумен өшті өкпем.
Көп сырымды ішті емге
"көрікпелі" бар ағай, —
сергелдеңге түскенде
септесуге жарамай.
Тағы алам ба көпке мін,
талады деп жат талай.
Досқа деген өкпенің
іште бұғып жатқаны-ай.
Қателесіп жүрдім бе,
кеше ғана көп едім.
Жерге қарап бір күнде,
желім болды жегенім.
Ірің болып ішкенім,
іркілдім де қалдым мен.
Күресуге күш кемін,
қулар қалай дәл білген!
Шықпайды ащы қалай үн,
шындықтан да түңілдім.
...Қоя қойшы, ағайын,
Керегі жоқ түгіңнің!



Пікірлер (0)

Пікір қалдырыңыз

Қызық күндерім

  • 0
  • 0

Қызық күндерім,
...бұзық түндерім.
тізіп тұр ма едің түзден мұң,—
саз үні тынды,

Толық

Ойдан-қырдан жиналған

  • 0
  • 0

Ойдан-қырдан жиналған,
Ойһой, неткен көп құдай!
тіліме еріп,
иланған

Толық

Жаратылыс жайлы жыр

  • 0
  • 0

Әніме ел құлағын елеңдетіп,
жүрсем де қиын-қыстау белеңді өтіп,
тәніме алақанын жайған анам,
мен бірақ қайда барам сенен кетіп.

Толық

Басқа да жазбалар