Өлең, жыр, ақындар

Біреудің пайдаланып бет-беделін

  • 02.05.2021
  • 0
  • 0
  • 407
Біреудің пайдаланып бет-беделін,
балтырым сыздамады текке менің,
Барында жылмақай қу,
жұмақтан да
бізге орын тие қоймас деп келемін.
Тыныштық беріп, түге, құлағыма,
солар-ақ бара берсін жұмағына.
Өмірден өтсем болды күліп анық,
шабыттың мініп алып пырағына.
Солар-ақ пейішіңді иеленсін,
құшақтап,
хордың қызын сүйе берсін,
Алматы арулары аман болса,
бар шығар бұйырғаны,
тиер еншім.
Барында бұрқыраған бойда шабыт;
бағдарлап,
байқар болсам,
ойға салып:
жүргенде жылмақайлар.
сумақайлар,
біздерге орын тие қоймасы анық.
Сондықтан жоққа бола жырымдалып,
күйініп,
көрінгенге ұрынбалық.
Солар-ақ кіре берсін жұмаққа да,
қаласа,
тамұққа да бұрын барып. 



Пікірлер (0)

Пікір қалдырыңыз

Ғабит аға

  • 0
  • 0

Қалпында бірде кердең, бірде менмен,
ұқсамай өзгелерге күнде көрген
қайда да биігірек тұрушы едің
айнала биікпіз деп жүрген елден.

Толық

Сездім де қабағында сызат барын

  • 0
  • 0

Сездім де қабағында сызат барын,
арамыз ушығуын ұзатпадым.
Қарсы айтар жауабымды,
сауалымды

Толық

Итке де қалай ғана: "Үрме!" — дейсің

  • 0
  • 0

Итке де қалай ғана: "Үрме!" — дейсің,
жабасың кімнің аузын, бүрмелейсің,
көмейін тығындар ең,
"мығымдар" ең,

Толық

Қарап көріңіз