Өлең, жыр, ақындар

Озып ем алға бір адым

  • 28.05.2021
  • 0
  • 0
  • 554
Озып ем алға бір адым,
озбырларға да ұнадым.
Естіле түскен кеше өктем
өсектен тынды құлағым.
Құдайым мені оңғарар,
ежелгі дұшпан — ол да бар,
көзге ілмей жүрген неме де
бөдене болып жорғалар.
Ілгері жүре түсіп ем,
жалт беріп жауым — күші кем,
мақтады келіп көзіме,
боқтап тұрса да ішінен.
Өтіп ем тағы бір адым,
өсекшіге де ұнадым,
шулатқанын да кім білсін,
қаншама достың құлағын.
алдында сенің ақпыз деп,
қашаннан саған жақпыз деп,
жәдігөйлері жалбақтап,
жағымпаздары тапты іздеп,
Келетін еді кінәлай,
тістеп жүр тілін бір ағай,
құйрығын қысты қаскүнем,
маскүнем қарыз сұрамай.
Бүлкілдеп талай көмейлер,
өзім боп шығып өгейлер,
Кездейсоқ күні түсті ме,—
құдайға сені теңейді ел!



Пікірлер (0)

Пікір қалдырыңыз

Қылығы бөлек көріктім едің

  • 0
  • 0

Қылығы бөлек көріктім едің,
көргенім сол ғой елікті менің,
құрбаның болып кетуге тегі,
көніп тұр едім...

Толық

Сен — тойып кекіретін едің

  • 0
  • 0

Сен — тойып кекіретін едің,
мен — тоңып секіретін едім.
Сен — алқына беретін едің.
мен — тартына көнетін едім.

Толық

Сен түгіл

  • 0
  • 0

— Сен түгіл,
ал ар еді көкми ұғып,
қалайша түсінбейсің!— деп түйіліп.
Апыр-ай, ауыр-ауыр сөздер айттың,

Толық

Қарап көріңіз