Өлең, жыр, ақындар

Не жазам!

  • 31.05.2021
  • 0
  • 0
  • 818
"Не жазып жүрсің?" — деп сұрайды кезігіп қалған кейбір дос-жаран.

Не туралы жазбақпын? —
Баянсызын айтсам ба әлде басымдағы аз бақтың,
кімнің ғана қам көңілін көншітіп,
кімнің отын маздаттым?
Не жазамын шынында? —
Жұрт ұқпаған
жыртық табан мұңым ба,
ырысым ба — ындыны бір қанбаған,
босқа тозған қылышым ба қынында?!
Не туралы жазайын? —
Кімге дәрі өксігі мол,
өкініші аз айың,
қай досымның көсегесін көгертіп,
қай дұшпанның тартқыза алдым сазайын?!
Не жазар ең өзің де? —
Қайырымы аз халқыңа айтқан сөзің бе,
сүмелегі сорды қанша миыңды,
соның бәрін кім еледі кезінде?!
Не жазайын лезде? —
Тойдым әбден ойлы қанден мінезге,
ергендерді жазайын ба есерге,
ерді жығып бергендерді бір езге?!
Кімге керек жылағаның, күлгенің,
сенің тірі жүргенің? —
Кімге керек, кімге керек? — дедім де,
не туралы жазарымды білмедім!



Пікірлер (0)

Пікір қалдырыңыз

Кеше біз де дүбірлі дүрмекке еріп

  • 0
  • 0

Кеше біз де дүбірлі дүрмекке еріп,
жұрт ішінде жүріп ек құрметтеліп.
Көп көрді ме соны да,
жек көрді ме,

Толық

Сыныққа сылтау іздеп мен келгенде

  • 0
  • 0

Сыныққа сылтау іздеп мен келгенде,
сен енді сала берме сергелдеңге,
ешкім жоқ екеумізді аңдып тұрған,
бірдеңе дерміз, тіпті, көргендерге...

Толық

Қаймығады

  • 0
  • 0

Тірі жанның берместей біріне есе,
көкірегім зор еді күні кеше,
ұрандаса кетуге әзір едім,
қайраты бар қазақтың ұлы десе.

Толық

Қарап көріңіз

Пікірлер