Иса Байзақов

Қадірлі қонақтар

Бұл бетте «Қадірлі қонақтар» атты Иса Байзақов жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

22.11.2015
0
0
3798

Тасыды көңілім, шалқыды,
Сүйінді мың сан балқыды.
Келе жатыр қалың топ,
Ту, ту, сонау, сонадан,
Қияда қиыр даладан,
Шаттана, шалқи шықты топ.
Электрлі жұлдыздай,
Гудогі күйлі андыздай,
Заводтан шықты қайнасып,
Алтын, металл кен атқан,
Коксті көмір таратқан,
Шахтыдан шықты жайнасып.
Қисынын тауып қибаттан,
Қиындықты қиратқан,
Ерлер шықты колхоздан,
Ат-айғырын кісінеткен,
Жүйрігін баптап есінеткен,
Ерінбес шықты совхоздан.
Түкпірден сонау бұрыштан,
Жайнаған жаңа құрылыстан,
Келе жатыр жас маман,
Жымыңдаса күлісіп,
Есебін ала білісіп,
Қызметкер де қаладан.
Айда поезд сыпылдат,
Тарт тамырын солқылдат,
Жетсін тобың жеріне,
Даярмыз біз де дайындат,
Қарсы ал музыка қоңыраулат,
Қадірлі қонақ еріңе.
Бұл топ кімдер тым қымбат.
Болар ма бұлар делегат.
Кеңес қайта сайлайтын.
Марқабат қалың табысын,
Өрлеп өмір барысын,
Шаттана келіп санайтын.

24 декабрь, 1934 ж.

Қадірлі қонақтар Иса Байзақов Иса Байзақов өлеңдері

Пікірлер (0)

Пікір қалдырыңыз

Жиі қойылатын сұрақтар