Өлең, жыр, ақындар

Өздерің

  • 07.08.2021
  • 0
  • 0
  • 618
Ғайып бір таңдайын атқан
Пәк, сәби жанымды оятқан.
Кеудеме бұлбұл боп қонып,
Әсемдік алауын жаққан –
Өздерің әнім мен жырым.
Кіршіксіз жанымды аппақ
Сұлулық бағында баптап,
Тазалық, адалдық сыйлап,
Өшпейтін тұтатқан шақпақ –
Өздерің әнім мен жырым.
Өмірдің қиынында да,
Құбылғыш құйынында да,
Ақ жалын ұсынған маған
Ақ бозым – ылғиында да –
Өздерің әнім мен жырым.
Татымды тынған ісім де,
Бойымда қуат-күшім де,
Иықта ақ періштелерім,
Таяныш сүйенішім де –
Өздерін әнім мен жырым.
Өздерің табынарым да,
Іздерім, сағынарым да,
Жүгімді қалдырмас жолда
Өздерін қара нарым да,–
Өздерін әнім мен жырым.
Ертеңге жол ашарым деп,
Кейінгі болашағым деп,
Артымнан айғайлап шығар
Сендерсің жанашырым деп –
Көз жұмам әнім мен жырым.



Пікірлер (0)

Пікір қалдырыңыз

Сен сынды шоқпарым жоқ қолда сайлы

  • 0
  • 0

Сен сынды шоқпарым жоқ қолда сайлы,
Тобым жоқ, мені ешкім қолдамайды.
Япыр-ау жүз жасай ма мына құзғын
Деп мені ешбір пенде қарғамайды.

Толық

Секірер біреу тоқтан

  • 0
  • 0

Секірер біреу тоқтан
біреу жоқтан.
Секіру тоқтан жаман
атқан оқтан.

Толық

Ақ періштелерім

  • 0
  • 0

Ұстаған биік
адамшылықты, парызды
Ақ халатты періштелерім,
жүрегі дарқан, жаны ізгі.

Толық

Қарап көріңіз