Өлең, жыр, ақындар

Сыныққа сылтау

  • 08.08.2021
  • 0
  • 0
  • 825
Бұл сезім арналады ұққандарға
Мәніне терең бойлап шыққандарға.
Әйелді жаратты Алла деп ғаламға
Ұрық ек, өмірге әкеп ұрпақ жалға.
Осылай қабырғаммен кеңес құрсам,
Тәңірінің пәрменіне көңіл бұрсам,
«Майданда ері өлген соң ерге шықпау —
Адалдық» — деген сөзді қалай ұқсам?!
Кім жалғап халық санын өсіреді?
Болашақ қамы қалай шешіледі?
Шыққанда Мұхаммедке Хадиша ана
Ері өлген, дәулеті мол жесір еді...
Әйелге ұрпақ көру несібе еді,
Сонымен талай түйін шешіледі.
айланып көр қазыққа қалмағанды
Алланың өзі дағы кешіреді.
Болса да әйелге мол тағдыр тезі.
Тіршілік атаулының сол ғой көзі.
Нұр шашқан исламды әкеп үлгі емес пе
Мұхаммед пайғамбардың өмірінің өзі.
Берейін дегенім жоқ бұдан дерек
Әркімнің шыққан тауы өзіне ерек.
Опасыз, оқпаны көп бұл пәниде
Сыныққа сылтау іздеп неге керек!
Сұңғыла сөз мәнісін негіздейді,
Шын әділ мұнын қалай дегізбейді.
Уәде — себеп. Адам Алла берген
Бұйрықты ризығын теріп жейді.



Пікірлер (0)

Пікір қалдырыңыз

Адалдығы осы ма?!

  • 0
  • 0

Ауа лас, су лай
Аспан сұрғылт, жер тақыр
Адам бүгін сор маңдай
Қасірет біткен кеп жатыр.

Толық

Пысықтығың жақсы егер ісің таза

  • 0
  • 0

Пысықтығың жақсы егер ісің таза
Жүрсең адал ешкімге бермей наза.
Біреуді алдап, біреуді арбап «Пысық!»
Атанғаннан артық қой жеткен қаза.

Толық

Мейірланым

  • 0
  • 0

Кішкентай ботам,
Мейірланым, сол мейірлім,
Жаныма сусын
қалтқысыз сәби пейілің.

Толық

Қарап көріңіз