Құса

Қанатынан хат жолдадым, соңғы хат,
Құстар саған жеткізеді... жол жырақ.
Ішім толы құсалықтан құтылмай,
Нән шаҺарда сенделіп жүр сорлы бас.
Ай сәулесі төгілгенде іңір кеп,
Бір әуенді қайталаймын күбірлеп.
Самайымды сылап тұрған секілді,
Сенің нәзік саусақтарың дірілдеп.
Мені аяшы,
Айдың асыл бекзаты,
Бокалымда тұнып тұрған көз жасы.
Бәлки сорлы қайыршының қолында,
Құлқынына қимай тұрған соңғы асы.
Маған ауыр бұл мезгіл,
Қалды артымда қара ноқат – сүрдек жыл.
...бұрыштағы шағын шарапханада,
Ішкіш досым іздеп жүр.
Маған ауыр....
***

---