Өлең, жыр, ақындар

Бұл тiрлiкте сiз де, бiз де жолшымыз

  • 16.08.2021
  • 0
  • 0
  • 630
Бұл тiрлiкте сiз де, бiз де жолшымыз,
Жолда тұрмыз.
Қадам бассақ қалсын iз.
Сол бiр жолда кездейсоқтау кездескен,
Әдемiсiз, тамашасыз, көршi қыз.
Көңiлiмнiң тарқамай ма құмары –
Сiздi ылғи көргiм келiп тұрады.
Көрген жанның кеуде тұсын қозғайтын,
Сiздегi үнсiз бiр ұяңдық ұнады.
Қатар тұрып жүрем сiздi сағынып,
Аялайды алдандырып ақ үмiт.
Тұрады ылғи көршi есiкпен сiз ашқан
Кеуде тұсым бiрге ашылып, жабылып.
Көзiңiзде жалт еткенде тұнық нұр,
Әлемiмде қалар нәзiк тұнып жыр...
...«Көрiнер» деп бiр үмiтпен қарап ем,
Көршi қыздың есiгiнде құлып тұр...



Пікірлер (0)

Пікір қалдырыңыз

Шыбық-өмiр келе жатты бүр атып

  • 0
  • 0

Шыбық-өмiр келе жатты бүр атып,
Күллi әлемнiң қуанышын сұратып.
Ерте есейiп, жылдам өскiм келгенмен,
Мен асықтым, асықпады уақыт...

Толық

Қуанышқа тұр едiм жүгiргелi

  • 0
  • 0

Қуанышқа тұр едiм жүгiргелi,
Кенет қара жер неге дiрiлдедi?
Кең көшеде зулаған бiр машина,
Қағып кете жаздады бүгiн менi...

Толық

Досқа

  • 0
  • 0

Сен кешiр менi...
Кешiре алмасаң өзiң бiл,
Басымды иiп, кiнәмдi бiлген сөзiм бұл.
Салмақтамастан ауыр сөз айтып жiбердiм,

Толық

Қарап көріңіз