Өлең, жыр, ақындар

Кеудемдi тербетiп арман

  • 16.08.2021
  • 0
  • 0
  • 458
Кеудемдi тербетiп арман,
Ояттым ұйқыңнан сенi.
Дүние шаршаған, талған,
Жайнаған жаз кешi едi.
Ұялшақ бозбала сынды,
Нөмiрдi қорқақтай тердiм.
Жүрегiм алқынып тұрды.
Сен алатыныңа сендiм.
Ояттым ұйқыңнан сенi,
Мезгiлсiз қоңыраулатып.
Бүр жарып көңiл көктемi,
Жымиып тұрғандай бақыт.
Әдемi түсiңдi қиып,
Келдiң бе ерiне басып?
Даусыңа қалдым мен ұйып,
Ойлаған сөздерiм қашып.
Жайнаған жаздың кешiнде,
Ояттым.
Кiнәлi емен.
Санаңнан менi өшiрме,
Өшiрмейтiнiңе сенем.
Қиял ғып бейнеңдi елес,
Көруге боп тұрдым құмар.
Оятуға ғана емес,
Сүюге хақым бар шығар...



Пікірлер (0)

Пікір қалдырыңыз

Күн райы

  • 0
  • 0

Қапырық ыстық қуырып жерді, ауаны,
Бала-шағаның аппақ шаң болып балағы,
Шілденің күні миыңды тесіп тұрғанда,
Әп-сәтте ауылым әбігер бола қалады.

Толық

Көңлiмде күн батып, кеш кiрдi

  • 0
  • 0

Көңлiмде күн батып, кеш кiрдi,
Тәттi мұң тербесiн.
Жабықсын...
... Ар жақтан дауысың естiлдi,

Толық

Өлдi адам

  • 0
  • 0

Өлдi адам.
Өмiр немене?
Сөндi де тiрлiк көрiгi,
Топырақ өстi төбеде,

Толық

Қарап көріңіз