Өлең, жыр, ақындар

Футбол ойнап жатырмыз...

  • 16.08.2021
  • 0
  • 0
  • 1060
Футбол ойнап жатырмыз...
Шуақ нұрлы.
Жанкүйерлер шуынан құлақ тұнды.
Жұртпен бiрге қолдарын шапалақтап,
Бiлдiрместен бiр сұлу жылап тұрды.
Қарсыласты қойдық бiз анық тұсап,
Қарсы қақпа алдында қауiптi сәт!
Қатты соққы!
Доп тидi маңдайшаға...
Жүгiретiн кез едi жайып құшақ.
Мұндай шақта әзiл мен күлкi мақұл...
Сол қақпаның таптық-ау кiлтiн ақыр.
Бiздер жеңдiк!
Қуанған тiлеулестер,
Шын ниетпен қолды алып, сiлкiп жатыр...
Қарамайтын жанбыз ғой шамасына,
Сiңiп кеттiк достардың арасына.
...Көзiлдiрiк киiп ап жылаған қыз...
Нелiктен жас толды екен шарасына?
Самал соқты, аймалап шуақ нұрлы.
Көкейiмде жалғыз-ақ сұрақ тұрды:
Көзiлдiрiк көздерiн жасырса да,
Сол сұлу қыз нелiктен жылап тұрды?
Сол сұлу қыз нелiктен алаңдады?
Жұмбақ болып барады маған бәрi.
... Арман қане, дариға-ай, сол бiр ару,
Жылап тұрса мен үшiн алаңдағы...



Пікірлер (0)

Пікір қалдырыңыз

Кешегi iзiн қайта басуға құмар күн

  • 0
  • 0

Кешегi iзiн қайта басуға құмар күн,
Көлегейлетiп әлсiз сәулесiн мұнардың.
Өзiме-өзiм күн сайын берiп мың уәде,
Түк бiтiрместен мен қартаятын шығармын.

Толық

Көлбастау

  • 0
  • 0

Бозала таңның сығалағанда сәулесi,
Осы ауылдың басталар тiрлiк әуресi.
Бейнетке батып, зейнетiн тамсап жатса, да,
Дәл одан асқан қасиеттi мекен бар дешi!

Толық

Қамшылап

  • 0
  • 0

Қамшылап...
қанға бөктiрдiм,
Сауырын мiнген жабымның.
Әттең-ай, соны текке ұрдым...

Толық

Қарап көріңіз

Басқа да жазбалар