Өлең, жыр, ақындар

Газет мақаласынан

  • 02.09.2021
  • 0
  • 0
  • 348
Газет мақаласынан: «Жағажайда үш-төрт жігіт бір қыз баланы кезек тепкілеп, өлтіруге айналды. Айналадағы қалың адамның арасынан араша түсіп жалғыз әйел ғана шырқырай жүгіруде...»

Осы ма еді, жарандар-ау, жасқа үлгің,
қай түрі еді әдеп пенен дәстүрдің?!
Қалай түстің екен, әттең, қарғам-ай,
апанына қара ниет қасқырдың?!
Өңкей озбыр айырды ма арыңнан,
ақ лағым, не тайдырды тағыңнан?!
Аяусыз сол додасынан жыртқыштың
сөгілді-ау...
сөгілді-ау қабырғаң!
Айналамыз —әсем үйлер, сәнді бақ,
жатқан теңіз адамдарға мәңгі ұнап.
Сұлулықтың ортасында сені ойлап
мен отырмын жан, жүрегім қан жылап.
Қайран сіңлім, қайран аппақ лақ-ай
жүрек қалай шыдар бұған жыламай!?
Қан шеңгелді салған шақта жауыздық
арашаға жарамаса бір ағай!
Қалай шыдар бұған жүрек жыламай,
жапа шексе көз алдыңда құралай?!
Қарындасым деп еш жан қол созбаса
жанашыр боп шыға алмаса бір ағай?
Жіберді екен қасиетін кім өртеп,
шын сорлы ма бәрі өз қамын білер тек!?
Қандай қиын іс түскенде басыңа
айналаңда жоқ боп шықса бір еркек...
айналаңда жоқ боп шықса бір еркек...



Пікірлер (0)

Пікір қалдырыңыз

Бабаларға

  • 0
  • 0

Бабалардан қалған бәрі — ауа, Жер, су, тірлігім,
сыйлады олар сезім отын, жан, жүрек пен Күн нұрын.
Тарту еткен жарық дүние, он сегіз мың ғаламды,
маған бейне солар Жердің ұстап тұрған кіндігін.

Толық

Алтынай

  • 0
  • 0

Айдың нұры арқалаған сан арман...
Ай нұрында сұлулық бар сан алуан,
Саған деген көңілімнің іңкәрі
Айдың аппақ сәулесінен жаралған...

Толық

Дәмдестік

  • 0
  • 0

Үлкенді – аға, кіші - іні, құрдасым деп жастыны
сырласамын дос тұтып,
ұмытылып бас мұңы.
Өз үйіндей көр келсең аунап-қунап,

Толық

Қарап көріңіз