Сен ойлайсың

Маған сенің белгісіздеу кешірмең,
Бола тұра ұмытпадым несін мен?
Кетер едім баяғыда-ақ ұмытып,
Сен шығармай жүріп алдың есіңнен…

Қимай сол бір пәк кездерді таза аппақ,
Сағыныштан үзілуге аз-ақ қап.
Бақыт құшқан сәттерімде несіне,
Жиі-жиі еске түстің азаптап?!

Сен ойлайсың.
Біледі тек ай мұны,
Күрсінесің жанға ұқсап қайғылы.
Айландырдың бір шеңбердің ішінде,
Айтшы мені босатасың қай күні?!

---