Өлең, жыр, ақындар

Жанып бітті сезімдер

  • 12.09.2021
  • 0
  • 0
  • 464
Жанып бітті сезімдер шоққа айналды,
Саған деген сағыныш жоққа айналды.
Аялайтын жаныңды шырын сөзім,
Айтқан сайын жаралар оққа айналды.

Баурайтын ең өзіңе жалқы күшпен,
Туыстығың бар ма еді тартылыспен?
Жанды ұмытып кету де мүмкін екен,
Жастығыңның жартысын сарқып ішкен…

Саған деген реніш көлге айналды,
Саған деген сенім де нөлге айналды.
Қанатында қиялдың қалғитын жыр,
Қуаласаң жеткізбес желге айналды.

Қызықтадым құстарды және гүлді,
Жуды жаңбыр мұң толы әлемімді.
Дөңгелегі пойыздың таптап кетті,
Ұмыт деді көп тартқан әлегімді.

Осыменен бәрін де тәмамдайық,
Жылай берсін өткенге оралмайық.
Бар сырыңды біліп ап тайып тұрған,
Мен де оңбаған шығармын саған лайық!



Пікірлер (0)

Пікір қалдырыңыз

Төге салсын төбемізден күй құздар

  • 0
  • 0

Дауыстасам сырымды ашып алардай,
Сәл именіп сәлем бердім батылсыз.
Кеттім сонан қасыңызда қала алмай,
Ақ жауынға араластым шатырсыз.

Толық

Ей, жаңбыр

  • 0
  • 0

Көзімді жұмсам түс көре берем,
Алданып бұлдыр елеске.
Жаңбырдан соңғы даланың исі,
Салады неге сені еске?!

Толық

Өзің деп

  • 0
  • 0

Өзің деп бір әуенді бастап алдым,
Өзің деп жанарымды жасқа малдым.
Өзің деп жыр өрнегін тоқып жүріп,
Арманы боп кетіппін басқалардың.

Толық