Өлең, жыр, ақындар

Мазамды алма менің

  • 12.09.2021
  • 0
  • 0
  • 780
Мазамды алма менің,
Елестер бұлдыраған.
Сендерсіз мені өзіне,
Тартады нұрлы ғалам.

Бұл бұла кезім емес,
Жаңбырға төзе алмаған.
Қалпымнан танғаным жоқ,
Биіктен көз алмаған.

Бйіктің бйігі сен ,
Туған жер нұрлы мекен.
Сол жақтан бір жан маған,
Қол бұлғап тұрды ма екен?

Сағыныш далам түгіл,
Күл төккен күресіндер.
Қанша алыс жүрсем дағы,
Түсіме кіресіңдер.

Түсімде көрмеу үшін,
Қойсам ба көзімді ілмей.
Жатсам бір ойсыз мұңсыз,
Өзімді өзім білмей.

Елестер сыртта қалып,
Көрінбей қайдағы аңыз.
Сүп суық күлген қызды ,
Суық та аймалағыш.

Есімде қалды сонсоң,
Тоңғаным ең алғашқы.
Біз жақтан шыққан күн кеп,
Әйнектен амандасты.

Кеткен соң бәрі де арман,
Қимас ел ,құба белдің.
Елесті көрейін деп,
Көзімді жұма бердім..



Пікірлер (0)

Пікір қалдырыңыз

Нән қаланың тұрғыны

  • 0
  • 0

Естілетін сирек күйдің күмбірі,
Ысы қою нән қаланың тұрғыны.
Сөзіңізде керуеннің сыңғыры,
Сіз де өлеңге айналарсыз бір күні…

Толық

Қара көлік

  • 0
  • 0

Беймезгілде қай сезімге еліттім,
Сыйластық пен қимастық бір деп ұқтым.
Елеңдеймін қара көлік зу етсе,
Түсі қара сіз мінетін көліктің.

Толық

Ұмытпаған

  • 0
  • 0

Таңғы тілек жалғасып кеш күбірге,
Назар салмай дүрмектің ешбіріне.
Бірер ауыз тіл қатып қалатындай,
Қарай берем қимылсыз кескініңе

Толық

Қарап көріңіз