Өлең, жыр, ақындар

Құмырсқа мен Ибраһим пайғамбар

  • 17.09.2021
  • 0
  • 0
  • 804
Сен өмірде көріп пе едің құсаны,
Сені өмірде толқытты ма құс әні?
... Тірілерге тағылымы тым терең,
Айтайын ба мысалы?..
Серік етсең шаттық пенен күлкіні,
Қаулап өсер көңіліңнің бүртігі.
... Серуен құрған Ибраһим пайғамбар,
Құмырсқаға жолығыпты бір күні.
Шағылмаған ешбір жаннан тауаны,
Мынау еді пайғамбардың сауалы:
- Ей құмырсқа!
Бағыт алдың қай жаққа,
Сауалымның болар ма екен жауабы?
Бейнет кешіп келесің-ау лайым,
Аузыңдағы тамшы су ма, құдайым!
Тамшы судың не қажеті болды екен,
Екінші бір сауалды да сұрайын!
Еңбекке әр кез ауатұғын ауаны,
Былай болды құмырсқаның жауабы:
-Залым Нәрмуд Ибраһим иемді,
Алаңдағы отқа апарып салады!
Пайғамбарға тәу етуші ем қуанып,
Естігенде қалдым мұны қуарып.
Алаңдағы алаулаған сол өртті,
Сөндіруге кетіп барам су алып.
-Күнін кешіп көрмеп едім кесірдің,
Күліп қойсам, сен құмырсқа, кешіргін.
Тамшы сумен алаңдағы алауды,
Қалай ғана келеді екен өшіргің?
-Имандылық түсіп жатыр талауға,
Шамам менің жетпесе де алауға,
Жетіп жатыр жалғыз тамшы
Дегенмен
Ниетімді білдіруге жарауға!..



Пікірлер (0)

Пікір қалдырыңыз

Жос іздеп жүрмін

  • 0
  • 0

Жайыңды айтқызбай-ақ түсінетін,
Сабырға ашуыңды түсіретін,
Қоятын әр кез биік мұратын,
Адалдықты жанымен сүйіп тұратын

Толық

Қара гүл

  • 0
  • 0

Түсінгенге – тағдырында,
Көз жасындай нала жүр.
Шалықтырар жанды мұңға,
Қырда өсетін қара гүл.

Толық

Балбал тас

  • 0
  • 0

Мұнар күннің мұрасы,
Тілін білсең – сұрашы.
Қыр басында балбал тас,
Сан ғасырдың куәсі.

Толық

Қарап көріңіз