Өлең, жыр, ақындар

Мен қағазға тағдырымды көшірем...

  • 17.09.2021
  • 0
  • 0
  • 449
Қара түн кеп басқан кезде иықтан,
Мұң келеді, күліп қойып миықтан.
Сосын... жанның жақпарынан жай ұшып,
Сезім тұрар, қабырғасы қайысып.
Жан-жағымнан қаумалайды көп сұрақ,
Қараңғылық.
Жағатұғын жоқ шырақ.
Өркөкірек өзгелердің зауалын,
Өзіме алам.
Күткен емен сауабын.
Тұңғиықтың ашам-дағы есігін,
Сен үшін де сұрай салам кешірім.
Аяқ асты қылсаң егер арыңды,
Қоятұғын жер таппаймын жанымды.
Бар шаттыққа сен лайық – білгенім,
Басқаларға тосын сыйлық – күлгенім.
Өзімді-өзім ұзақ түндер қажадым,
Таусыла ма, осы менің азабым?..
Бітер деме, бар азабым осымен,
Мен қағазға тағдырымды көшірем...



Пікірлер (0)

Пікір қалдырыңыз

Ұшақ аңдып, телмірдім аспан жаққа

  • 0
  • 0

Келем дедің.
Содан бастап сен жаққа елеңдедім.
Бақытты өмір тағы да басталмақ па,
Ұшақ аңдып, телмірдім аспан жаққа.

Толық

... Ерке құс, қайталашы ертегіңді...

  • 0
  • 0

Анамның еске салып ертегісін,
Қалқып кеп қоншы маған, ерке құсым.
Оралмай көптен маған кетіп едің,
Бүгін бір ғажап сырды шертемісің?

Толық

Келіңдер, құлыншақтар, құшақтайын..

  • 0
  • 0

Шаттықтың Шалқұйрығын тұсадың да,
Берілдің бесігіңде құса-мұңға.
Жалғанның желі сені тоңдырды ғой,
Кел маған, алайыншы құшағыма.

Толық

Қарап көріңіз

Басқа да жазбалар