Өлең, жыр, ақындар

Тартылыс заңы

  • 17.09.2021
  • 0
  • 0
  • 540
Қыран... Ол өте биікте самғайды, мына күнәлі топыраққа қонғысы да келеді, қонғысы да келмейді. Егер тартылыс заңы болмаса, сол аспанда қала берер ме еді?..
М.Мақатаев

Жанымның отпен аздай-ақ шарпылысқаны,
Топыраққа қарай тартады тартылыс заңы.
Рухым менің көкте жүр, ал, тәнім – жерде,
Жанарым ашық, тексіздің талтаңын көрген.
Айналған сәтте тиынға құны даланың,
Аспанға қарап, жасымды сығып аламын.
Сұйылса қайтем, жаужүрек жұртымның жыры,
Жақсысы – жалтақ, басқасы – құлқынның құлы.
Көк бөрім ұлып, жатса да қан құсып елік,
Рухым жерге қарайды... қонғысы келіп.
Қонғысы келіп, қайтадан көкке кетеді,
Себебі оны пенделер өкпелетеді.
Түсіңде көрсең бір ару, келбетінде мұң,
Мен шығармын ол, әлі күн – жер бетіндемін.
Жанымның отпен аздай-ақ шарпылысқаны,
Топыраққа қарай тартады тартылыс заңы.
Қалайша құдай ісіне теріс келермін,
Өкпелемеңдерші, көктегі періштелерім!..



Пікірлер (0)

Пікір қалдырыңыз

Мен қағазға тағдырымды көшірем...

  • 0
  • 0

Қара түн кеп басқан кезде иықтан,
Мұң келеді, күліп қойып миықтан.
Сосын... жанның жақпарынан жай ұшып,
Сезім тұрар, қабырғасы қайысып.

Толық

Зауал — заман

  • 0
  • 0

Жұғып елге шатағы,
Пейілімді матады.
... Абай айтқан бес дұшпан,
Дүрілдеуде атағы.

Толық

Келіңдер, құлыншақтар, құшақтайын..

  • 0
  • 0

Шаттықтың Шалқұйрығын тұсадың да,
Берілдің бесігіңде құса-мұңға.
Жалғанның желі сені тоңдырды ғой,
Кел маған, алайыншы құшағыма.

Толық

Қарап көріңіз