Алма Түсіпбекова

Жырын, хакім Абайдың

Қазақша өлең мәтіні, өлең жолдары және толық нұсқасы.

17.09.2021
0
0
556

Әр адамы – бір құдай,
Қала осы ма?
Құрғыр-ай!
Бабын таппай бәрінің,
Күн кешемін жындыдай.
Кететіндей қашып іс,
Бәрі асығыс...
Асығыс.
Алып-ұшып келіп ем,
Тапты көңіл басылыс.
Білмейтін ел өреңді,
Қайтсін, мендік өлеңді.
Байқамайды биікті,
Байқамайды тереңді.
Жұтты әлемнің жарты әнін,
Қаладағы салт-ағым.
Басты орында тұрады,
Қалыңдығы – қалтаның.
Қайда екен деп ар-айдын,
Айналама қараймын.
Жатқа оқиын көшеде,
Жырын, хакім Абайдың:
«Қалың елім, қазағым...»

Алма Түсіпбекова жырын хакім абайдың... Алма Түсіпбекова өлеңдері

Пікірлер (0)

Пікір қалдырыңыз

Жиі қойылатын сұрақтар