Алма Түсіпбекова

Махаббат, мен саған қарыздармын!

Қазақша өлең мәтіні, өлең жолдары және толық нұсқасы.

17.09.2021
0
0
1079

Біреуге ғашық қылғаның үшін,
Арманға асықтырғаның үшін,
Теңіздей тасып тұрғаның үшін-
Махаббат!
Мен саған қарыздармын!..
Тұңғиық сезімге батырғаның үшін,
Таңдарды ұйқысыз атырғаным үшін,
Айықпас мұңға шатылғаным үшін -
Махаббат!
Мен саған қарыздармын!..
Күттіріп мені, сағындырғаның үшін,
Бейнеңе мәңгі табындырғаның үшін,
Беймаза күйге бағындырғаның үшін –
Махаббат!
Мен саған қарыздармын!..
Шаттық боп маған келгенің үшін,
Қуаныш кілтін бергенің үшін,
Ертеңгі күнге сенгенім үшін –
Махаббат!
Мен саған қарыздармын!..
Кей кезде мені жылатқаның үшін,
Жауаптары жоқ сұрақтарың үшін,
Дегенмен...
Мені ұнатқаның үшін –
Махаббат!
Мен саған қарыздармын!..

Алма Түсіпбекова махаббат мен саған қарыздармын! Алма Түсіпбекова өлеңдері

Пікірлер (0)

Пікір қалдырыңыз

Жиі қойылатын сұрақтар