Өлең, жыр, ақындар

Сен барда...

  • 17.09.2021
  • 0
  • 0
  • 835
Сен барда, жарық айым,
Тірлікте не нәрседен тарығайын?
Сен барда, жарық күнім,
Таяна алмас маған табыт-мұңың.
Сен барда, биік таулар,
Қадамды тұсай алмас тұйықтаулар.
Сен барда, терең көлім,
Келеді қашаннан-ақ ерен болғым.
Сен барда, биік аспан,
Көңілдің болар әр кез күйі – дастан.
Сен барда, дархан далам,
Торысын іштарлықтың арқандағам.
Сен барда, найзағайым,
Қадалам көркеудеге найзадайын.
Сен барда, нөсер ерен,
Басынан парықсыздың төпелер ем.
... Сен барда, армандарым,
Қурамас қыр астында қалған бағым.
Сен барда, жаным менің,
Жырымның тауыса алман лағыл-кенін.
Сен барда, өзің барда,
Жеңдіріп келем әр кез сезімді арға.
Жанымның тартып көр де жеребесін,
Қақшы кеп, махаббаттың терезесін.



Пікірлер (0)

Пікір қалдырыңыз

Төлегенше толғану

  • 0
  • 0

Құпиямды айтайыншы, саған бар:
Ақын едім, өмір мәнін бағамдар.
Тағдырымнан тепкі көріп жүрсем де,
«Мен сендерді алдамаймын, адамдар»!

Толық

Ұлытаудың бүлдіргені

  • 0
  • 0

Төзген өмір дауылына,
Басшы мені бауырыңа.
...Жетсем екен сағым болған
Бала шақтың ауылына.

Толық

Көлеңке

  • 0
  • 0

Өксігімді басуға,
Келген едім өлеңге.
...Етегімді басуда,
Еріп жүрген көлеңке.

Толық

Қарап көріңіз