Өлең, жыр, ақындар

Қара бұлттың салмағы жерге батып

  • 17.09.2021
  • 0
  • 0
  • 426
Қара бұлттың салмағы жерге батып,
Қара нөсер әкелді елге бақыт!
Қара кеште көлбақа әндетеді,
Қара мақпал жамылған көлде жатып.
Құшырланып, жасық боп тусаң да өзің,
Құмарлыққа болады сусар кезің.
Тыныштыққа үйренген бұл далада
Күміс шыққа шылайды жусан көзін.
Әр жауынның артында өкініш қап...
Кемпірқосақ тұрады бекініс сап,
Әлсін-әлсін аспанның жұдырығы
Түйіледі бір түйір от уыстап.
Қағылғанда аспанның барабаны,
Қалмағандай жайғасар жан амалы,
Құлын-тайлар желісін бырт-бырт үзіп,
Арқандаулы ат құтылған даладағы...
Шалғын іші шалшық су көл боп кеткен,
Еңкеу өзен арнасын өрнектеген.
Есі шығып жаңағы жанталаста,
Ешкі-лақтар қыр асып, желдеп кеткен.
Қой-ешкіге күн-түні жаны ашыған,
Қойтөбет те табылды панасынан.
Қыр гүлдері құлпырып қоя берді,
Қайта туып табиғат анасынан.



Пікірлер (0)

Пікір қалдырыңыз

Келе жатқан келешекке нық басып

  • 0
  • 0

Келе жатқан келешекке нық басып,
Жер бетінде Ерлерменен жұптасып.
Өміріме өлмес Рух әкелген –
Ей, Әйелдер!

Толық

Елорда, сенен айналдым

  • 0
  • 0

Ішінде өмір - майданның
Келеді деме, қайдан мұң?!
Жарқырап қанша тұрса да,
Табады адам Айдан мін.

Толық

Арша

  • 0
  • 0

Құм мен тастың арасын жарып шыққан,
Айналайын дәл сендей жарықтықтан.
Бай да ұққан сырыңды, батыр да ұққан,
Ауру-сырқау, мүсәпір, ғаріп те ұққан.

Толық

Қарап көріңіз

Басқа да жазбалар