Өлең, жыр, ақындар

Тірлікте ойламаймын тыным бар деп

  • 17.09.2021
  • 0
  • 0
  • 456
Тірлікте ойламаймын тыным бар деп,
Қиналып қажымаймын мұңым бар деп.
Өсиет ата-бабам айтып кеткен
«Дос болып, бауыр болып тұрыңдар!» – деп.
Қаламды қару қылып келемін мен
Әлі де қайтпай жүрген кегім бар деп,
Әлі де алмай жүрген құным бар деп.
Мерт болып айға атылған арыстандай
Мезгілсіз сабағынан жұлынған көп.
Әлі де мен аспаған асулар бар,
Жұлдыздар аспанымда жымыңдар көп..
Әлі де сүйілмеген еріндер мен
Әлі де сипалмаған бұрымдар көп.
Тілекке тілек қосып мен келемін
Жүректе айтылмаған сырым бар деп.
Қымбатсың, қайран дүние...
Қалпыңменен –
Қалатын кешегіге бүгін зар боп!



Пікірлер (0)

Пікір қалдырыңыз

Сарыжайлау

  • 0
  • 0

Күйіңді шерт, кәні, Сайлау,
Күмбірлете салшы бір.
Көз алдымда сары жайлау,
Көз ұшында малшы жүр.

Толық

Көгалдан ұшты қоңыр қаз

  • 0
  • 0

Көгалдан ұшты қоңыр қаз,
Көкорай шақты төске алып.
Сыбаға алда – өмір жаз,
Өкінтер ме екен кеш қалып?!

Толық

Қайран тілім!

  • 0
  • 0

Жансын лаулап
Жүрегімде от барда.
Көздегенге жетпей көңіл тоқтар ма?!
Қайран тілім –

Толық

Қарап көріңіз