Өлең, жыр, ақындар

Жүрегім бұл бозінгендей боздаған

  • 19.09.2021
  • 0
  • 0
  • 531
Жүрегім бұл бозінгендей боздаған,
Сол үшін де қажет сендік наз маған.
Бұйырыпты ғұмыр кешу ақын боп,
Маңдайыма пайғамбарлық жазбаған.
Қалай ғана қарап құрақ ұшпайын,
Қалай ғана қасиеттеп құшпайын.
Зау биікте кейде қалқып жүресің,
Қанатынан моншақ тамған құстайын.
Қауызынан күй төгілген гүлдейсің,
Сені сол үшін ақын сүйді, білгейсің.
Жүрегімді ұрламашы, жүрексіз –
Мені қалай өлең жазып жүр дейсің.
Жырын жырлап алқаракөк фәнидің,
Сені ұмыт қалдырмаспын хабибім.
Түнекпенен отасатын жарықта,
Жалғыз сенің жұлдызыңды танимын.
Бұл фәниге келгендер көп қарғашым,
Ал сен көптің бірі емессің, ол да шын.
Зау биікке ұшқаныңда жырлайын,
Қанатыңнан қауырсын бер, қандасым.



Пікірлер (0)

Пікір қалдырыңыз

Көктемгі құстар салады бір ән

  • 0
  • 0

Көктемгі құстар салады бір ән,
Құстар-ай мені жылаттың неге?!.
Қағады Айдың жамалы бұлаң,
Айдай аруды ұнаттым неге...

Толық

Жалғыздық кеші

  • 0
  • 0

Бүгінгі кеш ауыр еді не деген,
Жаным болды жалғыздықтан жыларман.
Көкірегімде діріл қақты көп өлең,
Тұла бойы қоңыр мұңнан құралған.

Толық

Аумай қалған ақсұңқар баласынан

  • 0
  • 0

Аумай қалған ақсұңқар баласынан,
Айналайын көзіңнің қарасынан.
Жанымның дұғасындай болып кеткен,
Көңілді елжіретіп саласың ән.

Толық

Қарап көріңіз