Өлең, жыр, ақындар

Отызбен сырласу

  • 23.09.2021
  • 0
  • 0
  • 668
Жаныма сыйлап от ізгі,
Алысым түсті жақындай.
Жырлай алам ба отызды
Арындап Тұман ақындай?! (Тұманбай Молдағалиев)
Айып па терең бойласам,
Отызым – кезім сайысар.
Он сегізімді ойласам,
Қабырғам бірақ қайысар.
Көкала көйлек гүл көктем
Кейінде қалды қол бұлғап.
Көсіле шапқан дүрмектен
Кеудемде күй боп толды ырғақ.
Отыздың жүгі тіпті мол,
Айту да қиын ауыр деп.
Оңың мен солың түп-түгел –
Сыйласар аға-бауыр көп.
Отызға жетсем болғаны,
Кетемін деуші ем құлаштап.
Тым жұмбақ екен орманы,
Тауы да биік, тым асқақ.
Алдырмас сырын ол әлі,
Бағамын аңдып әр күні.
Екен ғой тентек бораны,
Және де дүлей жаңбыры.
Найзағай оты көгімде
Тұрады күн-түн жарқылдап.
Мен ойлағандай, тегінде,
Жоқ екен мұнда салқын бақ.
Қақтығыс, күрес бар мұнда,
Бар екен жаншыр салмақ та.
Тереңге сүңгіп алдың ба,
Аласың дереу самғап та.
Қояма-қолтық кеп тұрмын,
Мен жығам, бәлкім, ол жығар.
Менімен құрдас көп құрбым
Отыздың сырын енді ұғар.

1980



Пікірлер (0)

Пікір қалдырыңыз

Өмірімді қияр едім

  • 0
  • 0

Ұсынар ем жүрегімді мен саған,
Оты сөнген сорлы жүрек мұп­мұздай.
Көңіл түбі жарық сәуле аңсаған,
Қара түнде үңірейген тік құздай.

Толық

Екеуі бірге жырлап...

  • 0
  • 0

Болыпты елу жылдай, алтын ағам,
Жеңгеме қосылғалы жарқыраған.
Қаншама содан бері күндер ақты,
Бұлақтай таудан төмен сарқыраған.

Толық

Сезім мен төзім арбасып

  • 0
  • 0

Сезім мен төзім арбасып,
Санаға салды ой бұғау.
Кетсе де жылдар алмасып,
Көкейден кетпей қойдың-ау.

Толық

Қарап көріңіз