Өлең, жыр, ақындар

Алматым менің

  • 18.10.2021
  • 0
  • 0
  • 1177
Аңсап келіп кім өзіңе бауыр баспаған,
Сендей қала бұл әлемнен табылмас маған.
Құшағыңда арманымен табысқан жастар,
Сенде тұңғыш махаббаттың әнін бастаған.

Қайырмасы:
Сен – сәулетім менің,
Сен – дәулетім менің,
Сен – жер бетіндегі жәннатым,
Ей, аяулы менің Алматым!

Көрген адам келбетіңе таңдай қағысқан,
Көшелермен қатарласып орман жарысқан.
Сағынышын ұлдарыңның арқалауменен,
Саған қарай самолеттер самғайды алыстан.

Қайырмасы.

Астанасың, жас қаласың арманға құмар,
Сенде менің маңдайымның жанған бағы бар.
Мұңаямын көңіліме көлеңке түсіп,
Арайланған аспаныңды шалғанда мұнар.

Қайырмасы.



Пікірлер (0)

Пікір қалдырыңыз

Шағала

  • 0
  • 0

Шағала, аппақ шағала,
Кездестік тағы жағада.
Былтырғы жаздан белгі жоқ,
Сәулесі ғана санада.

Толық

Шығар есік таппасаң

  • 0
  • 0

Ей, көңілім, қайғырма ағып өткен ай­жылға,
Қашан мұрттай ұшқанша табаныңды тайдырма.
Алма мойын алдында дайын тұрса иіліп,
Қылыш тисе қолына бас алады маймыл да.

Толық

Көрінгенге жүгіріп...

  • 0
  • 0

Әлдекімнің ауласын сағалаған,
Бұралқысың қоқысты жағалаған.
Жуынды ішсең қоймайсың әдетіңді,
Көрінгенге жүгіріп абалаған.

Толық

Қарап көріңіз