Несіпбек Айтұлы

Шырқа, наурыз!

Қазақша өлең мәтіні, өлең жолдары және толық нұсқасы.

18.10.2021
0
0
1251

Жайнап мереке ажары,
Қайнап береке қазаны,
Айлап думанды базары,
Келді Наурызым!
Елім жоғын тапқандай,
Өшкен отын жаққандай,
Әлем шалқып жатқандай,
Бүгін шаттық-думан.

Қайырмасы:
Енді бұзылмай антымыз,
Мәңгі үзілмей салтымыз,
Еркін тыныстап халқымыз,
Тойын тойласын!
Шырқа, Наурызым,
Әнің көкте қалқысын.
Шырқа, Наурызым,
Той-думаның шалқысын.

Қонақ толтырып төріме,
Шуақ қондырып жеріме,
Шашып шашуын еліме,
Келді Наурызым!
Көңіл жырлап көктемдей,
Өмір нұрын төккендей,
Бақыт ұшып жеткендей,
Бүгін шаттық-думан.

Қайырмасы.

Кернеп қуаныш, салтанат,
Гүлдей құлпырып шартарап,
Асыл аманат арқалап,
Келді Наурызым!
Көктен алғыс жауғандай,
Қайта шыққан ормандай,
Арал қайта толғандай,
Бүгін шаттық-думан!

Қайырмасы.

Несіпбек Айтұлы шырқа наурыз! Несіпбек Айтұлы өлеңдері

Пікірлер (0)

Пікір қалдырыңыз

Жиі қойылатын сұрақтар