Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Ғайникамал Сәдуақасова

"Қашықтағы ғашығым"

Бұл бетте «"Қашықтағы ғашығым"» атты Ғайникамал Сәдуақасова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Gainikamal_Saduakasova
06.11.2021
0
0
2202

"Қашықтағы ғашығым"

Тұтқынына айналып сағыныштың,
Саған қарай келеді алып ұшқым.
Қол ұстасып отырсам құшағында,
Түсім екен мен тағы жаңылыстым.

Тек алыстан жүрекке енесің бе,
Күні-түні тұрасың сен есімде.
Көріспестен күндерде, айда өтті,
Ойлай сені ауырдым сенесің бе?

Уақыт жылжып барады бізде ақырын,
Сабырдан да күдерін үзді ақылым.
Қалағанда мауқымды басқым келед(і),
Арамызда қашықтық жүз шақырым.

Қанат болса ойланбай ұшар едім,
Тұлпар болсам мәреден тосар едім.
Жер жаһанды сен үшін шарлап шығып,
Бір демде-ақ өзінді құшар едім.

Бөлейді ғой бұл сезім шапағатқа,
Өте шығар дәл осы қатал шақта.
Шыдап жүрсек мәңгілік бір боламыз,
Қиындықсыз махаббат, махаббат па?

қашықтағы махаббат сағыныш махаббат "қашықтағы ғашығым" Gainikamal_Saduakasova өлеңдері

Пікірлер (0)

Пікір қалдырыңыз

Жиі қойылатын сұрақтар