Өлең, жыр, ақындар

Жер бетін шықшы күнім бақылып бар

  • 07.11.2021
  • 0
  • 0
  • 524
Жер бетін шықшы күнім бақылып бар,
(Қойнында атылмаған жатыр оқтар)
Аспаннан көптен бері тамшы күтіп,
Жайып тұр алақанын жапырақтар.
Гүлдерім күнге көзін баяу ашқан,
Тағдыр жел, тонар көркін аямастан.
Қапыда жастық шағы өтіп кетіп,
Аңсаған көктем айын әйел аспан.
Құс сайрап, көктегендей көктеп өңір,
Көйлегін шешкен шығар Көктөбе бір.
Көзіме көшкен бұлттай көлбеңдейді
Қайрылмай өткен күнге өткен өмір!
Қабатын дүниенің ақтарамыз,
Ақтарып, сор табамыз бақ табамыз.
Ішіне түскен құрттай табиғаттың –
Таласып жер алмасын жеп барамыз...
Ойламай табиғаттан өзге асылды,
Ойлаппын ұрпақты емес, өз басымды.
Шөлдеп бір қолын жайған жапырақтарға –
Жаңбыр ғып, құйсам ба екен, көз жасымды?..
Білгенге өмір деген байтақ алаң,
Бір-бірін көктем ғұмыр қайталаған.
Жарық күн қасиетті жер анадан,
Мен қалай алғанымды қайтара алам!



Пікірлер (0)

Пікір қалдырыңыз

Адасып, жалғызсырап келсең кейін

  • 0
  • 0

Адасып, жалғызсырап келсең кейін,
Бейкүнә жүрекке бір жол сермейін.
Еркіңде, кетсең-дағы екі бөліп,
Жалт еткен қынаптағы семсердейін.

Толық

Айхай, менің кең далам

  • 0
  • 0

Айхай, менің кең далам,
Жазылып қалды-ау құшағым.
Көңілді осынау толмаған,
Көміп бір кетті-ау күш, ағын.

Толық

Жас ақынға жауап

  • 0
  • 0

Ақын әпке, жанға жақын жырларың,
Сендей болар кеуде соққан бір дарын.
Өзгелерге насихаттап өзіңді,
Неге үй алып, астанада тұрмадың?..

Толық

Қарап көріңіз